Әйгерімнің блогы

Гөзел Құлжабаева – гүл өсіру мәдениетіне, көгалдандыру саласына ерекше үлес қосып келе жатқан жан. Алматы облысы, Кербұлақ ауданындағы Басши, Нұрым ауылдарына 30 мың түп ағаш егіп, жасыл аймаққа айналдырып отыр. Ұлыбританияның «Виктория ханым» сыйлығының иегері.

Агробанның кереметі

– Менің негізгі мамандығым инженер-электрик, – дейді Гөзал апай. – Жоғары оқу орнын бітірген соң, осы сала бойынша 7 жыл жұмыс істедім. Ал көгалдандыруды алдымен өз ауламды көркейтуден  бастадым. Іздендім. Том-том кітаптар ақтардым. Қарасам, дәл осы салада табысты қызмет атқарып жүрген маман жоқтың қасы. Сосын көгалдандыру ісіне түбегейлі өз ғұмырымды арнауға бел шешіп кірістім. Алдымен Алма-Арасанға барар жолда қазақтың гүл бағын жасау туралы ой келді. Бүгінде ол гүлзарда Қазақстанның ғана емес, әлемнің әр түкпірінен әкелінген 1000-нан аса алуан  өсімдіктер мен ағаштар өсіріледі: шырша, тұт ағашы, қарағай, бозарша ағаштары мен раушан гүлі, сүттіген, еңлік гүлі, кактус, шырайгүл, ауруға ем болатын түймедақ гүлі, қазтабан гүлі, т.б. Мәңгі жасыл гүлдерден қазақ ауылы мен хайуанаттар бағын тоқыдық. Яғни, гүлзарға келушілер гүлмен көмкерілген киіз үй, текемет, күйеу бала мен қалыңдық бейнесін, жылқы, аққу, тасбақа, елік, бұғы, қолтырауын, т.б. бейнесін тамашалай алады. Біз бұл жобаға бір жарым жылдай дайындалдық. Мамандармен ақылдаса келе, суды өте аз қажет ететін, қыста да жасыл қалпын сақтайтын «бозкілем» гүлін таңдадық. Елімізде бозкілемнің 30-40 шақты сұрыбы болса, біздегі бақ мүсіндерінде оның 27 түрі қолданылған. Мүсіндер қысы-жазы өңін жоғалтпай, жақсы сақталуы үшін  Словакиядан арнайы «агробан» деп аталатын тыңайтқыш зат алдыртып, топырақ құрамына қостық. Агробан – 1000 градустық жанартау тасқынында еріген тас. Осы тасты арнайы технологиямен өңдеу арқылы мақта секілді жұмсақ зат алынады. Агробанның қасиеті – мүсінде егілген гүлдерге қыста жылу беріп, жазда топырағының кеуіп кетуінен сақтайды. Мұндай мүсіндер  Еуропада 10-12 жылдай сақталатын болса, біздегі бейнелер  кем дегенде 6 жыл бойы көз қуантады деп жоспарлап отырмыз.

Read More…

Tweet

Мой мир-ға жібер

0

Гиперреализм – бейнеленген заттың сырт көз аңғара бермейтін тұстарын сол қалпында суреттелуін немесе адамның әр тал шашынан бастап, әр  қыртысына дейін айна-қатесіз сомдалуын  талап ететін ағым.

Бұл салада қызмет ететіндер еліміз түгілі, ТМД аумағында саусақпен санарлық. Ал Арқалық мемлекеттік педагогикалық инс-титутында «Бейнелеу өнері және сызу» мамандығын игерген Айдос Есмағанбетов қиын болса да, осы саланы дамытуды қолға алыпты. Сурет салуға деген қабілеті әкесі Әкімғали Есма-ғанбетовтен дарыған болуы керек. Бастауыш сыныптарда оқып жүргенде-ақ атақты суретші болуды армандайтын Айдос қазір Арқалық қала-сының шетіндегі Ашутас ауылында тұрып жатыр.

АҚШ-тың Президенті Барак Обаманың балауыздан жасаған мүсінін теледидардан көріп, Елбасымыз Н. Ә. Назарбаевтың кескін-келбетін сомдауды ұйғарады Айдос. Бірақ балауыздан емес, силиконнан. Бір жылдай уақытын сарп еткен ол президенттің мүсінін сәтті сомдап шығады. Бірақ біраз жердің табалдырығын тоздырып, авторлық құқық ала алмай сабылды. «Президенттің мұражайына тұңғыш жұмысымды өткізем» деген арманы орындалған жоқ. Өйткені, оған арнайы сараптама жасалу керек, жинайтын құжаттары тағы бар.Сондықтан  ол мүсін бүгінде Алматы қаласындағы Орталық мұражайда тұр. «Жәдігерлер қатарына тұсаукесері өткізілгеннен кейін ғана қосылады» делінген. «Әлі хабар жоқ» дейді Айдос. Read More…

Tweet

Мой мир-ға жібер

0

«Форбс» журналы ең бай 13 жеткіншектің тізімін жасады. Олардың көбісі 10 жасқа толмай тұрып-ақ, жеке бизнесін ашып үлгеріпті. Бай балалардың көшін 18 жасар Джонуша Дзябяк бастайды. Ол театрға, концертке кіру билетін сататын арнайы веб-сайт ашады. Сөйтіп, шағын шаруашылығы үлкен табыс көзіне айналады. Былтыр Джонуша компанияның жылдық табысы 2,75 миллион долларға жеткенін жариялады.

Сайт арқылы дүниенің кілтін тапқан жеткіншектің бірі – Джейсон Брайан. Ол көліктің қыр-сырын түсіндіретін сайт ашқан. Алты айдан соң Джейсонның жобасы демеушілердің назарына ілігіп, олар 250 мың доллар қарызға беріпті, қарызды қайтару үшін ерінбей жұмыс істеген жеткіншек 20 жасында 6 миллион доллардың иесі атанды. Осындай ұсақ-түйек арқылы қаржы жинаған жасөспірімдер қатарын М. Фурдык, М. Хэймен, Я. Пуркаястха жалғастырады. Олардың жасы бар болғаны 15-те, ал қалталарында 1 миллионнан астам қаражат бар.

14 жасар ағылшын Фрейзер Доэрти анасының шырын қайнататын сәтін асыға күтетін. Бір күні анасына шырынды қалай қоюлатуға болатынын, одан пайданың көп түсетінін айтты. Сөйтіп, өз ойын іске асыру үшін Фрейзер білек сыбана іске кірісті. Read More…

Tweet

Мой мир-ға жібер

0